Në muajin e fundit ka pasur 200 mikrosizma të vullkanit Etna. Ngjarja është jo e zakonshme. Ajo është shkaktuar nga krisjet e gurëve kristalorë në thellësi të vullkanit. Gjithsesi, situata paraqitet e kontrolluar.
Këto 200 mikrosizma janë regjishtruar gjatë muajit dhjetor. Ndërkohë, edhe fillimi i janarit ka shënuar disa shpërthime të lehta.
Vullkanologu italian, Salvo Caffo, deklaroi se “ngjarje të tilla nuk janë të zakonshme, por njëkohësisht nuk duhet të shqetësohemi pasi gjendja është e kontrolluar”. Këto lëkundje dhe shpërthime i bashkëngjiten kryesisht lëvizjeve të pllakave tektonike.
“Në rajonin tonë ka zhvendosje të pllakave tektonike në mbi 10 km thellësi deri tani”, tha Caffo. “Këto fenomene përfaqësojnë zhvillimin e një zone gjeologjike shumë aktive”.
Çaste të tilla intensiteti ndodhin herë pas here në vullkanet aktive.
Duhet theksuar se Etna është vullkani aktiv më i madh në Evropë.
Shpërthimet e vullkanit Etna datojnë që 500 mijë vite më parë. Fillimisht ato kanë qenë shpërthime nënujore. Më pas me ngritjen e tokës, ato krijuan kompleksin e kratereve, të njohur sot si Etna.
Gjatë mijëvjeçarit të ri, Etna ka eruptuar disa herë. Ndër shpërthimet më të mëdha janë ato të vitit 2001 dhe 2004.
Vullkani Etna është pjesë e pasurisë botërore të UNESCO-s./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Rama: Kallëzimi i pabërë i Bardhit iu shit si sapun për djathë italianëve
-
Bislimi: Propozimet e Serbisë s’i pranoi as Lajçaku
-
Franca kërkon të përdorë sistemin e mbrojtjes ajrore të Greqisë për Lojërat Olimpike
-
Deputetja e LVV-së i bën thirrje prokurorisë ta hetojë ministrin Aliu për skandalin rreth ambalazhuesve të ujit