Më shumë se 200 mijë njerëz janë larguar në Republikën e Afrikës Qendrore (RAQ), që pas shpërthimit të dhunës pas rezultatit të zgjedhjeve të dhjetorit. Këtë njoftim e ka dhënë Zyra e Komisionerit të Lartë të Kombeve të Bashkuara për Refugjatë (UNHCR) . Gjysma e të larguarve janë zhvendosur në Republikën Demokratike të Kongos.
Ushtria e Afrikës Qëndrore e mbështetur financiarisht nga Organizata e Kombeve të Bashkuara (OKB), ka luftuar rebelët me qëllimq të përmbysë votimin e 27 dhjetorit ku Presidenti i Afrikës Qendrore, Faustin-Archange Touadera, u shpall fitues.
“Refugjatët kanë treguar për UNHCR-në se u larguan në panik kur dëgjuan të shtëna me armë. Ata lanë pas gjërat e tyre prapa”, i tha zëdhënësi Boris Cheshirkov gazetarëve në Gjenevë më 29 janar.
Afrika Qëndrore numëron gati pesë milion njerëz. Është më e madhe se Franca kontinentale, Belgjika dhe Luksemburgu së bashku. Ky rajon, është i pasur me diamante, lëndë drusore dhe ar. Vendi ka luftuar për të pasur sërish stabilitetin, që pas rebelimit të 2013-ës rrëzoi ish-presidentin Francois Bozize.
Luftimet e tanishme midis një koalicioni të milicive, ushtrisë kombëtare dhe mbështetësve të tij u nxit nga një vendim i Gjykatës Kushtetuese për të ndaluar kandidaturën e Bozize në zgjedhjet presidenciale të 27 Dhjetorit.
Në një deklaratë më 29 janar, Konferenca Ndërkombëtare për Rajonin e Liqeneve të Mëdha, një organ rajonal i 12 vendeve anëtare, bëri thirrje armëpushim. Grupeve të armatosura iu kërkua të “shkëputen nga rrethimi i Bangui-t” dhe t`i lejojnë njerëzit dhe mallrat të lëvizin lirshëm.
Trupi gjithashtu do t’i kërkojë Këshillit të Sigurimit të Kombeve të Bashkuara të heqë embargon e armëve të vendosur ndaj Ushtrisë së Afrikës Qëndrore që ka kufizuar armët në ushtri që nga viti 2013.
Rreth 92 mijë refugjatë kanë arritur Republikën e Afrikës Qendrore dhe më shumë se 13 mijë kanë kaluar në Kamerun, Çad dhe Republikën e Kongos . Pjesa tjetër janë zhvendosur brenda Republikës së Afrikës Qendrore, tha UNHCR-ja.
Personat e zhvendosur janë aq të dëshpëruar sa kanë dakordësuar për të kryer marrëdhënie seksuale në këmbim të ushqimit. Malaria, infeksionet e traktit respirator dhe diarreja janë bërë të zakonshme.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ulutas pas vizitës në selinë e NATO-s: Është e mundur vetëm një zgjidhje politike që respekton të drejtat e të gjitha komuniteteve
-
Konfiskohen pesë armë zjarri në Zveçan
-
“U shkarkova nga kryetari i instaluar nga Beogradi”, djali i axhës së Prindon Sadriut shkarkohet nga pozita e drejtorit të teatrit të Preshevës
-
Rama ‘letër publike’ Ranuccit: Hodhët një tjetër hap fals, fatkeqësi që bëni krahasime me Kremlinin
Lajmet kryesore
-
Rama ‘letër publike’ Ranuccit: Hodhët një tjetër hap fals, fatkeqësi që bëni krahasime me Kremlinin
-
Politico: Rreziku që vjen me zgjedhjen e Belerit si kandidat për zgjedhjet Evropiane
-
Lufta në Ukrainë: Amerika i jep fshehurazi Kievit raketa me rreze të gjatë veprimi
-
Bislimi e Petkoviç sërish në Bruksel për dinarin