Agjencia Kundër Korrupsionit, ka bërë të ditur të martën se prej katër mijë e 748 të zyrtareve të lartë publikë, 14 nuk e kanë deklaruar pasurinë, 50 zyrtarë e kanë deklaruar pasurinë pas afatit të rregullt ligjor, ndërsa katër mijë e 684 zyrtarë kanë deklaruar pasurinë brenda afatit ligjor.
AAK, përmes një shkrimi në rrjetin social ‘Facebook’, ka thënë se mos raportimi i pasurisë nga zyrtarët publike ka pasojat e veta.
“Të gjithë zyrtarët e lartë publikë që nuk e kanë deklaruar pasurinë brena afatit të paraparë ligjor dhe të cilët nuk kanë arsyetime të bazuara për mos-deklarim, AKK do të veproj sipas ligjit, respektivisht kodit penal ku mos-deklarimi paraqet vepër penale dhe e detyron AKK-në të veprojë në pajtim me nenin 430 të Kodit Penal të Kosovës”, thuhet në njoftim.
Ndryshe, verifikimi i prejardhjes së pasurisë së deklaruar të zyrtarëve të lartë shtetërorë në Kosovë, po vazhdon të jetë mision i pamundur.
Përfaqësues të shoqërisë civile pohojnë se kjo po ndodh për shkak të mungesës së mekanizimeve ligjore.
Gjatë vitit 2021 nga numri i përgjithshëm, prej katër mijë e 721 zyrtarëve, 96 zyrtarë të lartë publikë nuk e kanë deklaruar pasurinë brenda afatit të rregullt ligjor.
Ligji për deklarimin e pasurisë obligon zyrtarët e lartë publikë që ta deklarojnë pasurinë e tyre 30 ditë nga marrja e postit të ri dhe pastaj në baza vjetore.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
“Qeveri e korruptuar; shkoni në shpi; të krijohet Komision Hetimor Parlamentar” – Reagime të shumta pas raportimit të AP-së për hajninë multi-milionëshe të Liburn Aliut dhe Naser Hafizit
-
Lulzim Basha kallëzon në SPAK Lindita Nikollën – Riktheu deputetët e përjashtuar
-
Sulme të pandëshkuara të kolonëve kundër palestinezëve dhe ndërtime të reja në Bregun Perëndimor
-
Çështja dinari: Bislimi e Petkoviç për herë të katërt takohen në Bruksel