Përgjigje e jashtëzakonshme pas një humbje të madhe.
Javën që shkoi, Napoli pësoi humbjen e parë sezonale në Serie A, si mysafire e Inter-it.
Skuadra e Spalletti-t përkundër humbjes, mbajti vendin e parë.
Këtë të dielë, napoletanët kishin një sfidë të madhe përpara Lazio-s së ishit, Maurizio Sarri.
Mirëpo, sfida që u duk e vështirë para fillimit, ishte më e lehta për Napoli-n këtë sezon.
Aq mirë e nisën ata, saqë pas dhjetë minutash, ekrani i madh në “Diego Armando Maradona Stadium”, shënonte dy te Napoli e zero te Lazio.
Zielinski në minutën e shtatë dhe Mertens në minutën e dhjetë shënuan dy golat e shpejtë.
Para se Lazio të mund të rikthehej në lojë, Dries Mertens u ngjit në skenë përsëri.
Pa u mbyll gjysmë orë lojë, belgu shënoi golin e dytë personal dhe të tretin për skuadrën.
Me tri gola epërsi, Napoli përfundoi pjesën e parë dhe e kontrolloi shumë mirë takimin.
Deri në fund, posedimi ishin në anën e tyre, dhe kohë për gol gjeti edhe Fabian Ruiz.
Mesfushori spanjoll shënoi në minutën e 85-të, për të mbyllur ndeshjen me rezultat të pastër 4-0.
Napoli kaloi provimin me sukses, dhe tani ndodhet në vendin e parë në Serie, e vetme, me 35 pikë.
Lazio mbetet në vendin e tetë, me 21 pikë.
Kështu mbyllet edhe raundi i 14-të i elitës italiane, që prodhoi shumë gola e shumë rezultate të madhe
Serie A kthehet në mesjavë për javën e 15-të.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Meta-Kryemadhi përballen kokë më kokë, për ‘familjen’ dhe partinë
-
Euronews Green: Shqipëria prodhon 100 % energji nga burime të rinovueshme
-
Sulm i dyshuar izraelit ndaj Iranit, SHBA mohon përfshirjen
-
Lajçak me kërkesë për shoqëritë në Kosovë dhe Serbi: S’ka të ardhme evropiane pa normalizim të marrëdhënieve, ta kuptoni këtë